Թրամփ. Իրանն ավելի լավ է շտապի

ԱՄՆ նախագահ Դոնալդ Թրամփը Truth Social սոցիալական ցանցում Իրանին կոչ է արել շտապել խաղաղության համաձայնագիր կնքելու հարցում։

«Իրանի համար ժամանակը սպառվում է, և նրանք ավելի լավ է շտապեն, այլապես նրանցից ոչինչ չի մնա։ ԺԱՄԱՆԱԿԸ ՉԻ ՍՊԱՍՈՒՄ», - գրել է Թրամփը։

Ավելի վաղ իրանական Fars գործակալությունը հայտնել էր ԱՄՆ-ի կողմից Իրանին ներկայացված հինգ հիմնական պայմանների մասին։

Մասնավորապես, իրանական գործակալության տվյալներով, Վաշինգտոնի պայմաններով՝

▪️ Միացյալ Նահանգները Իրանին չեն վճարելու որևէ փոխհատուցում և վնասի հատուցում։

▪️ Իրանը պետք է դուրս բերի և ԱՄՆ-ին փոխանցի 400 կիլոգրամ ուրան։

▪️ Իրանական բոլոր միջուկային օբյեկտներից միայն մեկ համալիր կարող է շարունակել աշխատանքը։

▪️ ԱՄՆ-ն պատրաստ չէ ապասառեցնել անգամ սառեցված իրանական ակտիվների 25 տոկոսը։

▪️ Բոլոր ուղղություններով պատերազմի դադարեցումը կախված կլինի բանակցությունների շարունակությունից։

Իր հերթին, Իրանը հայտարարել է, որ պատրաստ է բանակցությունների միայն վստահության վերականգնմանն ուղղված հինգ նախնական պայմանների կատարման դեպքում՝

▪️ Պատերազմի լիակատար դադարեցում բոլոր ճակատներում, հատկապես Լիբանանում։

▪️ Արտերկրում արգելափակված իրանական միջոցների ապասառեցում և վերադարձ։

▪️ Հորմուզի նեղուցի նկատմամբ Իրանի ինքնիշխան իրավունքների ճանաչում։

Source: https://news.am/hy/news/1036125