«Երևան Ավտոբուս» ՓԲԸ-ն 06.05.2026 թ.-ին ԵԱ-ՄԱԱՊՁԲ-26/25 ծածկագրով անցկացված ՄԵԿ ԱՆՁԻՑ ԳՆՄԱՆ կարգով ձեռք է բերել շուրջ 500 000 լիտր դիզվառելիք՝ 545 դրամով, այն պարագայում ՈՒՇԱԴՐՈՒԹՅՈՒՆ, երբ լցակայաններում նույն դիզվառելիքի մանրածախի արժեքը 510-520 դրամ է։ Այս մասին Facebook–ի իր էջում գրել է Երևանի ավագանու «Մայր Հայաստան» խմբակցության անդամ, «Հայաստան» դաշինքի ընտրական ցուցակում ընդգրկված Մեսրոպ Մանուկյանը, ով նաև տեսանյութ է հրապարակել։

Նա, մասնավորապես, նշել է. «Բնականաբար մեծածախի գինը սովորաբար մոտ 15-20% ավելի էժան է լինում, այսինքն ստացվում է, որ Երևանի քաղաքապետարանը ձեռք է բերել շուրջ 120 դրամ ավելի թանկ գնով։

Միայն այս գործարքով Երևան քաղաքին հասցվում է շուրջ 60 մլն դրամի վնաս, կամ «թալանում» են 60 մլն դրամ։

Թե՞ բա պայքարում ենք թալանի դեմ, ԹԱԼԱՆՉԻՆԵ՛Ր...

Նիկոլ Փաշինյան, չփորձվես ասել, որ խաբար չես այս «թալանից»։

Source: https://news.am/hy/news/1035584