Մերցը պատմել է Թրամփի հետ զրույցի մասին․ «Իրանը պետք է հիմա նստի բանակցությունների սեղանի շուրջ»

Գերմանիայի կանցլեր Ֆրիդրիխ Մերցը X սոցիալական ցանցում պատմել է ԱՄՆ նախագահ Դոնալդ Թրամփի հետ «լավ հեռախոսազրույցի» մասին, երբ նա վերադառնում էր Չինաստանից։

Մերցի խոսքով՝ ինքը և Թրամփը համակարծիք են եղել, որ Իրանը «պետք է հիմա նստի բանակցությունների սեղանի շուրջ»։

«Նա պետք է բացի Հորմուզի նեղուցը։ Չի կարելի թույլ տալ, որ Թեհրանն ունենա միջուկային զենք», - նշել է Գերմանիայի կանցլերը։

Մերցի խոսքով՝ նա նաև քննարկել է Թրամփի հետ Ուկրաինայի խաղաղ կարգավորումը։

Նա հայտնել է, որ դիրքորոշումները համակարգվել են Անկարայում կայանալիք ՆԱՏՕ գագաթաժողովից առաջ։

«ԱՄՆ-ը և Գերմանիան հզոր գործընկերներ են հզոր ՆԱՏՕ-ում», - ավելացրել է Մերցը։

Source: https://news.am/hy/news/1035729