«Միասնության թևեր» կուսակցության պատգամավորության թեկնածուների համամասնական ցուցակը գլխավորող, Հայաստանի Մարդու իրավունքների նախկին պաշտպան Արման Թաթոյանը մայիսի 15-ին լրագրողների հետ հանդիպման ժամանակ հայտարարել է. «Մենք ընտրություններին մասնակցում ենք հաղթանակի նպատակով»:

«Մնացած հարցերը, կախված ընտրությունների արդյունքներից, մենք կքննարկենք ընտրությունների ավարտից հետո։ Բոլոր դեպքերի համար նախատեսել ենք բոլոր քայլերը»,- նշեց նա։

Թաթոյանը հավելել է, որ «Միասնության թևեր» կուսակցությունը, տարբեր հետազոտությունների տվյալներով, վաղուց հաղթահարել է խորհրդարան անցնելու համար անհրաժեշտ անցողիկ շեմը։

Հիշեցնենք, որ նախընտրական քարոզարշավը սկսվել է մայիսի 8-ին և կշարունակվի մինչև հունիսի 5-ը ներառյալ։ Քվեարկությունը տեղի կունենա հունիսի 7-ին։ Խորհրդարանական ընտրություններին մասնակցում է 17 կուսակցություն և կուսակցությունների 2 դաշինք։

Source: https://news.am/hy/news/1035758