ՄԱԿ-ի երեխաների հարցերով գործակալության՝ ՅՈՒՆԻՍԵՖ-ի տվյալներով, մարտի 2-ից սկսած, երբ վերսկսվեցին մարտական գործողությունները «Հըզբոլլահ» շարժման հետ, Լիբանանում շարունակվող իսրայելական հարձակումների հետևանքով առնվազն 200 երեխա է զոհվել:

ՅՈՒՆԻՍԵՖ-ը հայտնել է, որ չնայած ապրիլի 17-ից գործող հրադադարին, պատերազմից տուժած երկրում միայն վերջին շաբաթվա ընթացքում առնվազն 59 երեխա է սպանվել կամ վիրավորվել։

«Լիբանանում երեխաները շարունակում են տառապել շարունակվող բռնությունից, բռնի տեղահանումից և վնասներ պատճառող իրադարձություններից»,- ասված է ՄԱԿ-ի գործակալության հայտարարության մեջ։

Մարտի 2-ից ի վեր երեխաների շրջանում զոհերի ընդհանուր թիվը հասել է 200 սպանվածի և 806 վիրավորի, ինչը համարժեք է օրական գրեթե 14 զոհված կամ վիրավորված երեխայի։

«Երեխաները սպանվում և հաշմվում են այն դեպքում, երբ նրանք պետք է վերադառնային դասասենյակներ, խաղային ընկերների հետ և վերականգնվեին ամիսներ տևած վախից ու ցնցումներից»,- հայտարարել են ՅՈՒՆԻՍԵՖ-ում։

Source: https://news.am/hy/news/1035472