Հնդկաստանի իշխանությունները մինչև 2026 թվականի սեպտեմբերի 30-ը արգելել են շաքարի արտահանումը։ Համապատասխան կարգադրությունը մայիսի 14-ին հրապարակել է հանրապետության Արտաքին առևտրի գլխավոր տնօրինությունը։

«Շաքարի արտահանման քաղաքականությունը, ներառյալ հում շաքարը, սպիտակ շաքարը և զտված շաքարը, «սահմանափակված» կատեգորիայից փոփոխվել է «արգելված» կատեգորիայի՝ անմիջապես ուժի մեջ մտնելով և գործելով մինչև 2026 թվականի սեպտեմբերի 30-ը կամ մինչև հետագա կարգադրություններ ստանալը», — ասվում է գերատեսչության կայքում հրապարակված ծանուցման մեջ։

Ավելի վաղ շաքարի արտահանումը արտերկիր թույլատրվում էր միայն հատուկ լիցենզիայի առկայության դեպքում։ Ինչպես նշվում է, որ գնաճային ռիսկերի և Մերձավոր Արևելքում իրավիճակի հետ կապված անորոշության ֆոնին ներդրված արգելքն ուղղված է ներքին շուկայում արտադրանքի առաջարկի ավելացմանը և գների զսպմանը։

Ընդ որում, սահմանափակումները չեն տարածվի դեպի Եվրոպական միություն և ԱՄՆ շաքարավազի արտահանման վրա, քանի որ այն իրականացվում է հատուկ համաձայնագրերի շրջանակներում։ Այս պայմանավորվածությունները թույլ են տալիս արտադրանքի որոշակի ծավալներ մատակարարել նվազեցված կամ զրոյական մաքսատուրքերով։

Source: https://news.am/hy/news/1035369