Չինաստանի ԱԳՆ-ում Սի Ցզինպինին վերագրված Ուկրաինայի մասին խոսքերը «մաքուր հորինվածք» են անվանել

Ուկրաինայի մասին այն հայտարարությունները, որոնք հրապարակվել են բրիտանական Financial Times թերթի էջերում և իբր պատկանում են Չինաստանի նախագահ Սի Ծինպինին, կեղծ են։ Այդ մասին մայիսի 19-ին իր ճեպազրույցում հայտարարել է Չինաստանի Ժողովրդական Հանրապետության (ՉԺՀ) արտաքին գործերի նախարարության պաշտոնական ներկայացուցիչ Գո Ցզյակունը։

«Ձեր նշած տեղեկատվությունը հակասում է փաստերին և մաքուր հորինվածք է», — նշել է նա։

Նշվում է, որ FT-ն իր նյութերից մեկում հայտնել էր, թե Սի Ծինպինը ԱՄՆ նախագահ Դոնալդ Թրամփի հետ հանդիպման ընթացքում իբր ենթադրել է, որ Ռուսաստանի նախագահ Վլադիմիր Պուտինը «վերջիվերջո կզղջա», որ սկսել է հատուկ ռազմական գործողությունը։

Source: https://news.am/hy/news/1036544