ԱՄՆ-ն համաձայնել է կասեցնել իրանական նավթի դեմ սահմանված պատժամիջոցների գործողությունը։ Այս մասին հայտնում է իրանական Tasnim գործակալությունը՝ հղում անելով բանակցային խմբի իր աղբյուրին։

«ԱՄՆ-ն ընդունել է նոր տեքստի այն դրույթը, որի համաձայն՝ պատժամիջոցներից բացառություն կարվի բանակցությունների ընթացքում իրանական նավթի համար»,— ասված է գործակալության հաղորդագրության մեջ։

Աղբյուրը նշում է, որ այս միջոցառումը ժամանակավոր բնույթ է կրում, մինչդեռ Թեհրանը պահանջում է չեղարկել Իրանի դեմ սահմանված ամերիկյան բոլոր պատժամիջոցները։

Source: https://news.am/hy/news/1036325