Իրանի իշխանությունները պատրաստ են ԱՄՆ-ի հետ պատերազմի ավարտից հետո բոլոր առևտրային նավերի համար երաշխավորել անվտանգ անցում Հորմուզի նեղուցով։ Աս մասին հայտնել է իսլամական հանրապետության արտաքին գործերի նախարար Աբաս Արաղչին։

«[Հորմուզի նեղուցով անցման խնդրի] լուծման միակ տարբերակը [Իրանի դեմ ԱՄՆ ագրեսիվ պատերազմի] լիակատար դադարեցումն է, որից հետո մենք երաշխավորում ենք անվտանգ անցում յուրաքանչյուր նավի համար»,- ասել է նա հնդկական Doordarshan հեռուստաալիքին տված մեկնաբանության մեջ։

Փետրվարի 28-ին ԱՄՆ-ը և Իսրայելը պատերազմ սկսեցին Իրանի դեմ։ Հարվածների տակ հայտնվեցին իրանական խոշոր քաղաքները, այդ թվում՝ Թեհրանը։ Իսլամական հեղափոխության պահապանների կորպուսը հայտարարեց լայնածավալ պատասխան գործողության մասին՝ հարվածներ հասցնելով Իսրայելին։ Հարվածների են ենթարկվել նաև ԱՄՆ ռազմական օբյեկտները Բահրեյնում, Հորդանանում, Իրաքում, Կատարում, Քուվեյթում, ԱՄԷ-ում և Սաուդյան Արաբիայում։ Իրանի իշխանությունները նաև որոշում են ընդունել փակել Հորմուզի նեղուցը ԱՄՆ-ի, Իսրայելի և իսլամական հանրապետության դեմ ագրեսիային աջակցած երկրների հետ կապված նավերի համար։

Source: https://news.am/hy/news/1035640