Թուրքիայի քաղաքներից մեկում ԱԹՍ է ընկել փողոցի մեջտեղում

Թուրքիայի Սամսուն քաղաքի Իլքադըմ շրջանում անօդաչու սարքը ընկել է փողոցի մեջտեղում, հայտնում է DHA-ն։

Միջադեպը տեղի է ունեցել տեղական ժամանակով մոտավորապես 06:30-ին։

Դեպքի վայր են ուղարկվել ոստիկանության, շտապօգնության և հրշեջ ծառայության խմբերը։

Քննիչների հաստատմամբ՝ փողոցում ընկած անօդաչու թռչող սարքի թևերի բացվածքն ու պոչային մասի չափսերը կազմում են 1 մետր։

Վթարի հետևանքով վնասվել են երկու շենքերի տանիքներն ու պատուհանները։

Անօդաչու թռչող սարքի օպերատորի ինքնությունը և նրա նպատակները պարզելու համար քննություն է իրականացվում։

Source: https://news.am/hy/news/1035914