Թրամփը խոստացել է տպավորել Սի Ծինփինին նրա ԱՄՆ կատարելիք պատասխան այցի ընթացքում

ԱՄՆ նախագահ Դոնալդ Թրամփը խոստացել է, որ Միացյալ Նահանգները կփորձի տպավորել Չինաստանի նախագահ Սի Ծինփինին նրա պատասխան այցի ընթացքում, որը, ԱՄՆ առաջնորդի խոսքով, կարող է կայանալ մոտավորապես սեպտեմբերի 24-ին։

«Մենք կվերադառնանք, և, կարծում եմ, մոտավորապես սեպտեմբերի 24-ին նախագահ Սին կգա Միացյալ Նահանգներ, և դա կլինի փոխադարձ այց, ինչպես փոխադարձ առևտուրը»,- ասել է Թրամփը Պեկինում Չինաստանի առաջնորդի հետ բանակցությունների ժամանակ։

ԱՄՆ առաջնորդը հայտնել է, որ ԱՄՆ-ը մտադիր է Սի Ծինփինին ընդունել այնպես, որ նա տպավորված մնա այցից։

«Մենք կանենք առավելագույնը, և հույս ունեմ, որ Դուք կհեռանաք շատ տպավորված, ինչպես ես եմ խիստ տպավորված Չինաստանից»,- ավելացրել է Թրամփը։

Թրամփը նաև Չինաստան իր այցի վերջին օրերն անվանել է «իսկապես հիանալի» և շնորհակալություն է հայտնել Սի Ծինփինին ու չինական կողմի ներկայացուցիչներին ընդունելության համար։

Source: https://news.am/hy/news/1035572