Ռուսաստանը Հայաստանին տեղեկություններ է փոխանցել այն հետևանքների մասին, որոնք կարող են առաջանալ Երևանի՝ ԵՄ-ին անդամակցելու դեպքում։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

«Ռուսաստանի դեսպանատունը պաշտոնապես փոխանցել է էներգետիկայի նախարար Սերգեյ Ցիվիլյովի նամակը՝ ուղղված Հայաստանի Հանրապետության տարածքային կառավարման և ենթակառուցվածքների նախարարությանը։ Նամակում տեղեկացվում է, որ ԵՄ-ին անդամակցելու գործընթացը շարունակվելու դեպքում ռուսական կողմը միակողմանիորեն կկասեցնի կամ կչեղարկի 2013 թվականի դեկտեմբերի 2-ի «Բնական գազի, նավթամթերքի և չմշակված բնական ալմաստների մատակարարման ոլորտում համագործակցության մասին» համաձայնագիրը»,- «ՌԻԱ Նովոստի»-ի հետ զրույցում ասել է նա։

Source: https://news.am/hy/news/1038816