Իրանի բանակը, բարձրագույն օպերատիվ պատրաստվածության շնորհիվ, ողջ աշխարհին ակնհայտորեն ցուցադրել է Իսլամական Հանրապետության պաշտպանական հզորությունն ու հեղինակությունը։ Այդ մասին, IRNA-ի փոխանցմամբ, հայտարարել է Իրանի նախագահ Մասուդ Փեզեշքիանը բանակի գլխավոր հրամանատար Աբդոլռահիմ Մուսավիի հետ հանդիպման ժամանակ։

«Ազգային միասնությունն ու զինված ուժերի հզորությունը մեր երկրի անվտանգության կարևորագույն հենարանն են։ Իրանի կառավարությունը կներգրավի առկա բոլոր ռեսուրսներն ու ներուժը զինված ուժերի համակողմանի աջակցության և ամրապնդման համար», — ընդգծել է Մասուդ Փեզեշքիանը։

Իր հերթին, Իրանի բանակի գլխավոր հրամանատարը երկրի ղեկավարությանը վստահեցրել է, որ զորքերը գտնվում են առավելագույն մարտական պատրաստվածության վիճակում և ունակ են հետ մղել ցանկացած արտաքին մարտահրավեր։

«Իրանի Իսլամական Հանրապետության բանակը լիովին պատրաստ է մեր երկրի դեմ ուղղված ցանկացած սպառնալիքի, ագրեսիայի կամ արկածախնդիր գործողության տալ վճռական, ջախջախիչ և համարժեք պատասխան։ Բանակի անձնակազմը ողջ ուժերով և ամբողջ անձնազոհությամբ պատրաստ է պաշտպանել պետության անվտանգությունը, անկախությունը, պատիվն ու տարածքային ամբողջականությունը, ինչպես նաև պահպանել մեր մեծ ժողովրդին», — հայտարարել է գլխավոր հրամանատարը։

Source: https://news.am/hy/news/1037269