Հայաստանի վարչապետ Նիկոլ Փաշինյանը, Ազգային ժողովի նախագահ Ալեն Սիմոնյանն ու պաշտպանության նախարար Սուրեն Պապիկյանը մայիսի 28-ին դիտել են Երևանի կենտրոնում տեղակայված ռազմական տեխնիկան։

Հիշեցնենք, որ Հայաստանի Առաջին Հանրապետության օրվան նվիրված զինվորական շքերթը Հանրապետության հրապարակում արդեն ավարտվել է։

Շքերթի ժամանակ հրապարակով հանդիսավոր քայլերթով անցել են զորամիավորումներն ու ռազմաուսումնական հաստատությունների կուրսանտները, ինչպես նաև ցուցադրվել է հայրենական ու արտասահմանյան արտադրության ռազմական տեխնիկա։

Շքերթի ավարտից հետո տեխնիկան տեղակայվել է հրապարակին հարակից տարածքում։ Այն այնտեղ կմնա մինչև կեսգիշեր, որպեսզի քաղաքացիները կարողանան մոտիկից ծանոթանալ դրան։

Source: https://news.am/hy/news/1039154