Ամերիկացի միլիարդատեր, SpaceX ընկերության հիմնադիր Իլոն Մասկը մայիսի 28-ին Blue Origin ընկերության New Glenn հրթիռի փորձարկումն անհաջող է անվանել, որի ընթացքում սարքը պայթել է։

Գործարարը նշել է, որ հրթիռների ստեղծումը բարդ խնդիր է։

«Շատ անհաջող էր։ Հրթիռները բարդ բան են», — հայտնել է նա X սոցցանցում։

Blue Origin ընկերության ծանր կրող հրթիռը՝ New Glenn-ը, ավելի վաղ նույն օրը պայթել էր մեկնարկային համալիրում, փորձարկումների ժամանակ։ Պայթյունի ձայնը ֆիքսվել էր մի քանի մղոն հեռավորության վրա տեղադրված տեսախցիկներով։ Նշվել է նաև, որ միջադեպի հետևանքով փլուզվել է կայծակներից պաշտպանության համակարգի աջ աշտարակը, որից հետո հրթիռն այլևս տեսանելի չի եղել։

Source: https://news.am/hy/news/1039293