Իրանի զինված ուժերի բարձրաստիճան ներկայացուցիչ, բրիգադի գեներալ Աբոլֆազլ Շեքարչին կոշտ նախազգուշացում է հղել Վաշինգտոնին՝ ի պատասխան ԱՄՆ նախագահ Դոնալդ Թրամփի բազմակի սպառնալիքների և հռետորաբանության՝ զգուշացնելով, որ Իրանի դեմ ագրեսիայի ցանկացած հետագա գործողություն Վաշինգտոնի համար կունենա շատ ավելի լուրջ հետևանքներ, քան այն ամենը, ինչին նա բախվել է նախկինում, հաղորդում է Mehr-ը։

Պատասխանելով լրագրողների հարցերին՝ Իրանի հասցեին ԱՄՆ նախագահի շարունակվող սպառնալիքների մասին, Շեքարչին ասել է. «Ցանկացած հիմարության կրկնությունը՝ Իրանի դեմ երրորդ պարտադրված պատերազմում Ամերիկայի խայտառակությունը փոխհատուցելու համար, ոչ մի այլ բանի չի հանգեցնի, բացի [ԱՄՆ-ի համար] ավելի կործանարար և լուրջ հարվածներ ստանալուց»։

Նա նշել է, որ «եթե սպառնալիքները կյանքի կոչվեն և Իրանի Իսլամական Հանրապետության դեմ նոր ագրեսիա ձեռնարկվի, ամերիկյան ակտիվներն ու զինված ուժերը կբախվեն նոր, հարձակողական, անսպասելի և փոթորկալից սցենարների»։

Իրանցի գեներալը նախազգուշացրել է, որ Միացյալ Նահանգները «էլ ավելի կխրվեն այն ճահճի մեջ, որն իրենք են ստեղծել», և որը, ըստ նրա, «Դոնալդ Թրամփի արկածախնդիր քաղաքականության անմիջական արդյունքն է»։

Source: https://news.am/hy/news/1036046