«Ուժեղ Հայաստան»–ի քարոզարշավը Զեյթունում

Երևան քաղաքի Քանաքեռ-Զեյթուն վարչական շրջանում այս պահին ընթանում են «Ուժեղ Հայաստան» կուսակցությունների դաշինքի նախընտրական երթն ու բնակչության իրազեկման ակցիան։ Քարոզարշավը, որը ներառում է Զեյթուն թաղամասի բակային տարածքների, կենտրոնական փողոցների և առևտրի կետերի ակտիվ շրջայցեր, գլխավորում է պատգամավորության թեկնածուների համամասնական ցուցակի առաջնորդ Նարեկ Կարապետյանը։

Այս նախընտրական շրջայցի ընթացքում դաշինքի աջակիցները և ակտիվիստները ուղիղ հանդիպումներ են անցկացնում տեղի բնակիչների և առևտրի ոլորտի աշխատակիցների հետ՝ նրանց ներկայացնելով դաշինքի նախընտրական ծրագրի հիմնական դրույթներն ու առաջնահերթությունները։

Source: https://news.am/hy/news/1039421