Դեռահասը, որը դանակով զինված հայտնվել էր Շվեդիայի հարավում բնակվող իրանցի հետազոտողի տան շեմին, հինգշաբթի դատապարտվել է մոտ չորս տարվա ազատազրկման անչափահաս իրավախախտների գաղութում, հայտնում է Ֆրանսպրես գործակալությունը:

Դեռահասը դատապարտվել է երկու այլ անձանց հետ միասին՝ հայտնի գիտնական Արվին Խոշնուդի սպանությունը նախապատրաստելու դավադրության համար, որը պնդում է, որ հարձակման հետևում, ի վերջո, կանգնած է եղել «իրանական կառավարությունը»:

Մյուս մեղադրյալները, ըստ տեղեկությունների, հաղորդագրությունների փոխանակման հավելվածների միջոցով հավաքագրել են դեռահասին և նրան գումար խոստացել սպանության դիմաց։

Անցյալ տարվա սեպտեմբերին նա հայտնվել էր Մալմյո քաղաքում գտնվող Խոշնուդի տանը և զրուցել հետազոտողի կնոջ հետ: Հետազոտողը մնացել էր տանը և ոստիկանություն կանչել։ Դատական գործընթացի ժամանակ նրա փաստաբանը Ֆրանսպրես գործակալության հայտնել է, որ այդ դեպքից ի վեր գիտնականը թաքնվում է այլ հասցեում:

Դատարանը համարել է, որ սպանության փորձի մեղադրանք ներկայացնելու համար ապացույցները բավարար չեն, և հանցագործությունը վերաորակել է որպես սպանության նախապատրաստական գործողություններ:

Գլխավոր մեղադրյալը դատապարտվել է երեք տարի և ինը ամիս ազատազրկման անչափահասների գաղութում: Խոշնուդը շվեդական լրատվամիջոցներում հանդես է գալիս պարբերաբար՝ որպես Իրանի հարցերով փորձագետ:

Source: https://news.am/hy/news/1037305