Կատարի վարչապետ և արտաքին գործերի նախարար, շեյխ Մոհամեդ բին Աբդուլռահման բին Ջասիմ Ալ Թանին զրույց է ունեցել Քուվեյթի վարչապետ Մոհամեդ Սաբահ Աս-Սալեմ Աս-Սաբահի հետ «Եվրոպա-Պարսից ծոց» աշխարհաքաղաքականության և ներդրումների դաշինքի՝ Հունաստանի մայրաքաղաք Աթենքում կայացած առաջին գագաթաժողովի շրջանակում, հաղորդել է Al Jazeera-ն։

Նախարարության երկուշաբթի հրապարակված հայտարարության համաձայն՝ զրուցակիցները քննարկել են Իրանի և Միացյալ Նահանգների միջև հրադադարը և «լարվածության թուլացմանն ուղղված ջանքերը»։

Կատարի վարչապետն ընդգծել է «բոլոր կողմերի շարունակվող միջնորդական ջանքերին դրական արձագանքելու անհրաժեշտությունը, որոնք ճանապարհ կհարթեն ճգնաժամի արմատական պատճառները խաղաղ միջոցներով և երկխոսության միջոցով վերացնելու համար, ինչը կհանգեցնի կայուն համաձայնության, որը կկանխի էսկալացիայի վերսկսումը»։

Source: https://news.am/hy/news/1035963