«Մենք հասարակության մեջ ամբողջությամբ կվերականգնենք հայ կնոջ արժանապատիվ ու սրբազան կերպարը, և ես բացարձակապես վստահ եմ, որ կգա ժամանակ, երբ հենց հայ կինը կղեկավարի Հայաստանը», մայիսի 20-ին հայտարարել է «Ուժեղ Հայաստան» դաշինքի վարչապետի թեկնածու Սամվել Կարապետյանը իր զինակցի հետ զրույցում։

Մեկնաբանելով Ադրբեջանի նախագահի օգնական Հիքմեթ Հաջիևի վերջերս արած հայտարարությունը՝ 300 հազար ադրբեջանցիների «արժանապատիվ վերադարձի» ծրագրերի վերաբերյալ, քաղաքական գործիչը նշել է, որ այդ հռետորաբանության հետևում պաշտոնական Բաքվի խիստ դժգոհությունն է։ Նրա գնահատմամբ՝ «իրենց շեֆը ջղայնացել է», երբ հայաստանյան իշխող վերնախավի ներկայացուցիչները փորձել են ընտրություններից առաջ ժամանակավորապես հեռու մնալ այդ թեմայից, և իր օգնականի միջոցով սպառնացել է նրանց՝ հասկացնելով, որ իրավիճակի ելքն իրենք չեն որոշելու։

Source: https://news.am/hy/news/1037042