Հանրապետության տոնի առթիվ, ՀՀ վարչապետի միջնորդությամբ և ՀՀ նախագահի հրամանագրով՝ Հայաստանի Հանրապետության գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալ, արդարադատության առաջին դասի խորհրդական Էդգար Արսենի Արսենյանին շնորհվել է արդարադատության երրորդ դասի պետական խորհրդականի դասային աստիճան, Հայաստանի Հանրապետության գլխավոր դատախազի տեղակալ, արդարադատության առաջին դասի խորհրդական Արամ Էռնեստի Արամյանին շնորհվել է արդարադատության երրորդ դասի պետական խորհրդականի դասային աստիճան:

ՀՀ նախագահի հրամանագրով` Հայաստանի Հանրապետության գլխավոր դատախազության պետական շահերի պաշտպանության վարչության պետ Տաթևիկ Արսենի Սարուխանյանը, Հանրապետության տոնի առթիվ, սահմանադրական կարգի պահպանության, իրավակարգի և օրինականության ամրապնդման գործում ներդրած ավանդի համար, պարգևատրվել է Մխիթար Գոշի մեդալով, իսկ Հայաստանի Հանրապետության գլխավոր դատախազի խորհրդական Լուսինե Վարդգեսի Մարտիրոսյանը՝ Երախտագիտության մեդալով:

Source: https://news.am/hy/news/1039281