ԱՄՆ նախագահ Դոնալդ Թրամփը մի շարք արաբական և այլ մուսուլմանական երկրների կոչ է արել կարգավորել հարաբերությունները Իսրայելի հետ։ Այդ մասին Axios պորտալը հայտնել է՝ հղում անելով աղբյուրներին։

«Շաբաթ օրը տեղի ունեցած հեռախոսային համաժողովի ընթացքում նախագահ Թրամփը մի շարք արաբական և այլ մուսուլմանական երկրների առաջնորդներին ասել է, որ եթե հաջողվի հասնել Իրանի հետ պատերազմի դադարեցման վերաբերյալ համաձայնության, ապա նա ցանկանում է, որպեսզի իրենց երկրները խաղաղության համաձայնագրեր ստորագրեն Իսրայելի հետ», — նշվում է հրապարակման մեջ։

Աղբյուրի տվյալներով՝ մայիսի 23-ին Թրամփը Բահրեյնի, Եգիպտոսի, Հորդանանի, Կատարի, ԱՄԷ-ի, Պակիստանի, Սաուդյան Արաբիայի և Թուրքիայի առաջնորդների հետ հեռախոսազրույցների ընթացքում հայտարարել է, որ ակնկալում է Իսրայելի հետ հարաբերությունների կարգավորում այն երկրների կողմից, որոնք առայժմ չեն մասնակցում Աբրահամյան համաձայնագրերին և Իսրայելի հետ խաղաղության պայմանագիր չունեն։

Պորտալի տեղեկություններով՝ Կատարի, Պակիստանի և Սաուդյան Արաբիայի ներկայացուցիչները, որոնք Իսրայելի հետ դիվանագիտական հարաբերություններ չեն պահպանում, այս նախաձեռնությունն ընդունել են զարմանքով։

Source: https://news.am/hy/news/1037997