Միացյալ Նահանգները կստանան հարստացված ուրանը, որը գտնվում է Իրանում։ Այս մասին ԱՄՆ նախագահ Դոնալդ Թրամփը հայտարարել է Fox News հեռուստաալիքին տված հարցազրույցում։

«Ես ավելի հանգիստ կլինեի, եթե այն ստանայինք, և մենք այն կստանանք», — ընդգծել է նա։

Թրամփի խոսքով՝ այլընտրանքը այդ ուրանի թաղումն է Իրանի տարածքում, սակայն ամերիկյան կողմի վերահսկողության ներքո։

Միևնույն ժամանակ ԱՄՆ նախագահը խոստացել է կրկնել հարվածները միջուկային օբյեկտներին, եթե իրանական կողմը փորձի իրականացնել ուրանի դուրսբերումը։

«Ես նրանց ասացի. եթե նրանք այնտեղ զորքեր ուղարկեն, որպեսզի փորձեն դա անել (դուրս բերել ուրանը), կամ եթե մենք տեսնենք, որ ինչ-որ մեկը փորձում է դա անել, մենք պարզապես այնտեղ մի քանի ռումբ կգցենք, և դրանով ամեն ինչ կավարտվի», — զգուշացրել է Թրամփը։

Source: https://news.am/hy/news/1035545