Մենք ձգտում ենք ԱՄՆ-ի հետ գործարքն ամրագրել ՄԱԿ-ի ԱԽ բանաձևով․ Իրանի ԱԳՆ ներկայացուցիչ

Իրանն ու ԱՄՆ-ը դիտարկում են հակամարտության դադարեցման մասին համաձայնագրի նախագծում այնպիսի դրույթ ներառելու հնարավորությունը, որով գործարքը կամրապնդվի ՄԱԿ-ի Անվտանգության խորհրդի (ԱԽ) բանաձևով։ Այս մասին հունիսի 1-ին հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։

«Մենք դեռևս քննարկում ենք ընդհանուր դրույթները։ Եթե գործարքը կայանա, ապա այն պետք է ընդունվի ՄԱԿ-ի Անվտանգության խորհրդի բանաձևի տեսքով», — Բաղայիի խոսքերն է մեջբերում «Fars» գործակալությունը իր Telegram-ալիքում։

Դիվանագետի խոսքով՝ կողմերը շարունակում են հաղորդագրություններ փոխանակել, սակայն փաստաթղթի վերաբերյալ վերջնական որոշում դեռևս չի կայացվել։ Ընթացիկ փուլում քննարկվում են ապագա համաձայնագրի 14 հիմնական դրույթները։

Միևնույն ժամանակ, գերատեսչության ներկայացուցիչը հստակեցրել է, որ Թեհրանը ՄԱԿ-ի Անվտանգության խորհրդի հնարավոր բանաձևը չի դիտարկում որպես պայմանավորվածությունների կատարման բացարձակ երաշխիք։ Դիվանագետն ընդգծել է, որ իրանական կողմն արդեն բացասական փորձ ունի, որի ժամանակ միջազգային իրավական մեխանիզմները չեն ապահովել ձեռք բերված համաձայնությունների պահպանումը։

Source: https://news.am/hy/news/1039942