ԱՄՆ-ն արգելել է մուտքը Աֆրիկայի երեք երկրներում եղած քաղաքացիներին

Միացյալ Նահանգները ժամանակավորապես սահմանափակել են մուտքը այն օտարերկրացիների համար, որոնք վերջին 21 օրվա ընթացքում այցելել են Կոնգոյի Դեմոկրատական Հանրապետություն (ԿԴՀ), Ուգանդա կամ Հարավային Սուդան՝ այս տարածաշրջաններում Էբոլայի տենդի Բունդիբուգյո շտամի բռնկման պատճառով։ Այդ մասին մայիսի 21-ին հայտնել է Հիվանդությունների վերահսկման և կանխարգելման կենտրոնի (CDC) մամուլի ծառայությունը։

«CDC-ն հրաման է արձակել կասեցնելու Միացյալ Նահանգներ մուտքը այն օտարերկրյա քաղաքացիների համար, որոնք գտնվել են Կոնգոյի Դեմոկրատական Հանրապետությունում, Ուգանդայում կամ Հարավային Սուդանում ժամանումից առաջ 21 օրվա ընթացքում», — ասվում է հրապարակման մեջ։

Նշվում է, որ ԱՄՆ քաղաքացիներին և երկրի օրինական մշտական բնակիչներին, որոնք վերջին 21 օրվա ընթացքում գտնվել են այս պետություններում, թույլատրվում է մուտք գործել երկրի տարածք։

Նշվում է, որ ԱՄՆ ներքին անվտանգության նախարարության որոշման համաձայն՝ այդպիսի ուղևորներին կուղղորդեն Վաշինգտոնի միջազգային օդանավակայան՝ պարտադիր բժշկական զննություն անցնելու և հարցաթերթիկներ լրացնելու համար։ Լրացուցիչ ստուգումները ներդրվել են հիվանդության հնարավոր տարածումը կանխելու միջոցառումների շրջանակում։

Source: https://news.am/hy/news/1037394